Локум фест – музика и традиција

Локум фест претставува единствена музичка манифестација во регионот која ја користи традицијата на конзулска Битола како инспирација за поврзување на различни културни влијанија – од византиски и ориентални до сефардски и европски. Фестивалот е препознатлив по одржувањето концерти на автентични културно-историски локации, кои служат како сценографија за етно-фјужн изведби на реномирани домашни и странски ансамбли.

За своето 20-то јубилејно издание во 2026 година, фестивалот се отвора со спектакуларен настап на грчкиот ансамбл „10-те бузуки на Домна“ во Античкиот театар Хераклеја. Настанот е дел од пошироката програма на Бит фест 2026 и вклучува виртуозни изведби на бузуки, гитара и вокали, придружени со танцувачка група. Локум фест е член на меѓународни асоцијации како EFFA и Most music и е поддржан од Министерството за култура и туризам и Општина Битола како проект од национално значење.