Јубилеен концерт на Борче Наумовски - 30 години кариера

Концертот „Јубилеен концерт на Борче Наумовски - 30 години кариера“ е закажан за среда, 22 јули 2026 година, со почеток во 20:30 часот, на отворено во магичниот амбиент на античкиот локалитет Хераклеја во Битола. На овој настан, Борче Наумовски, познат како „Министерот“, ќе го прослави својот тридецениски јубилеј на естрадата. Подготовките за овој амбициозен проект траат повеќе од половина година, а сè е организирано во знакот на бројот 30, вклучувајќи 30 тапани и 30 играорци на сцената. Организаторите очекуваат околу 3.000 посетители. Доколку временските услови не дозволат настанот да се одржи на Хераклеја, истиот ќе биде преместен во спортската сала „Боро Чурлевски“ во Битола.

Музичката програма ќе биде изведена во живо со придружба на голем оркестар составен од 17 музичари од сите музички секции, предводен од професорот Кирил Стојчевски, долгогодишен соработник и пријател на пејачот. Како специјални гости на сцената ќе се појават Татјана Стефановска, Даниела Темелковска, Марјан Коцев, Кате и Трајче Соната, додека водителка на вечерта ќе биде Ирена Спировска. На концертот, Наумовски ќе промовира и нов албум со неговите најголеми хитови од 30-годишната кариера, насловен „Моја љубов, моја судбина“.