Women in War

D'Expo "Women in War" presentéiert d'Aarbecht vun der preisgekrönter Krichsfotografin Lynsey Addario, déi zanter iwwer 25 Joer Konflikter a méi wéi 80 Länner dokumentéiert. Am Mëttelpunkt stinn net nëmmen déi militäresch Aspekter vum Krich, mee virun allem och de Liewen an d'Leed vu Fraen a Kanner. D'Ausstellung weist Biller aus Afghanistan, der Ukrain an dem Sudan, dorënner vu Kämpferinnen, Flüchtlingen, Affer vu sexueller Gewalt a Fraen, déi a geféierleche Konditioune Mamm ginn. D'Haaptmissioun ass et, Geschichten ze dokumentéieren an ze vermëttelen, déi soss kaum gesinn oder gehéiert ginn, an d'Liewe vu Fraen a Kanner a Krichsgebidder siichtbar ze maachen, wärend op Mënscherechtsverletzungen opmierksam gemaach gëtt.

D'Ausstellung ass fir Jonker ab ongeféier 12 Joer recommandéiert an bitt en Ulass, iwwer Krich, Gewalt an d'Weltpolitik ze diskutéieren. Fir kleng Kanner ass se awer net onbedéngt gëeegent. D'weiblech Perspektiv vun der Fotografin erméiglecht en anere Bléck an Zougang zu Situatiounen, déi männlech Fotografen net hätten, wéi zum Beispill beim Fotograféiere vu Fraen am Afghanistan, déi hiert Gesiicht weisen. D'Fotoen hunn eng staark emotional Wierkung a ginn benotzt fir historesch Evenementer besser ze verstoen an e Lien zur Aktualitéit ze maachen, besonnesch am Kontext vum Krich an Europa.