Свечен концерт на квартетот STRINGENDO

Свечен концерт на квартетот STRINGENDO ќе се одржи на 8 септември 2026 година во Културниот центар „Тарик Акан“ во Атаќој, Истанбул. Организиран од Македонскиот културен центар во Истанбул, концертот е посветен на одбележувањето на 35-годишнината од независноста на Република Македонија. Целта на настанот е да се истакне македонската музика и култура, како и да се прослави долгогодишното пријателство и културните врски меѓу Македонија и Турција.

Квартетот STRINGENDO е составен од истакнати македонски музичари: Наташа Лазаревска на обоа, Олгица Шундиќ на виолина, Љупка Каевиќ на виолончело и Андреја Наунов на пијано. На програмата ќе бидат изведени композиции адаптирани за инструментален состав, вклучувајќи познати македонски народни песни како „Јовано, Јованке“, „Македонско девојче“, „Бор садила мома Евгенија“ и „Пајдушко оро“. Дополнително, ќе бидат изведени и познати мелодии од турското музичко наследство, како што се „Çanakkale“ и „Üsküdar’a Gider İken (Kâtibim)“.

Концертот ќе започне во 20:00 часот, а влезот за сите посетители е слободен. Настанот свечено ќе го отворат Генералниот конзул на Македонија во Истанбул, г. Идрис Фазлиоски, и директорот на Македонскиот културен центар во Истанбул, Диме Ратајкоски. Со овој концерт, Македонскиот културен центар во Истанбул ја потврдува својата заложба за создавање простори за културна размена и зближување меѓу двете публики.